李健达：辣木籽食咗之后，两个月后我嘅血压真系好稳定

「喺香港，真系压力好大，嗰种压力其实系最伤身体。𠵱家喺泰国生活松动好多，至少有个窦，唔使好似喺香港咁惨，七千蚊只能住劏房。」

就算记不起他的名字，但一定记得他主唱的电影《阿郎的故事》经典片尾曲。他就是上世纪 80 年代歌手李健达。数年前他因生活及工作压力，一度患上重病，寻医多遍却找不出病因，令他非常困扰。

无望之际，他决定进行天然食疗法，把昔日饮食习惯来个大洗牌，又吃一种叶当食疗，之后为寻找合适自己体质的气候地方，离开自己生活了 50 年的香港，连根拔起，移居泰国，终于执番条命。

1989 年李健达主唱《也许不易》，正式成为歌手，一曲成名。

1.怪病缠身　癌指数升

「2014 年大病咗一场，差唔多喺死亡嘅边缘，我睇咗好多个名医，我入过急症室都有四次，都搵唔到原因。」自言病情终于稳定下来的李健达，现在比病重时清减了，近日为工作回港数天，自述死过翻生的经历。

「有日我做完骚，之后成个人飘吓飘吓，平衡唔到，我以为系感冒，谂住冇乜嘢啦，以前都习惯。点知第二日起床嘅时候，我一起身就平衡唔到，我开始好惊。」李健达说。

病发前出现水肿，体重增至 200 多磅，其实已响起警号，只是繁忙的都市人，总不回应身体发出的呼喊。

起初他被医生断症为耳水不平衡，食药后两日，血压突升至 160，他再一次走入急症室。「医生话：『你返去食吓血压丸啦！我哋畀你最靓、最强嗰种。』食咗两日，有朝六点几突然好唔舒服起身，一量度血压，竟然去到 196，食咗药都去到 196，我就好惊，于是又即刻再去急症室。啲护士一见到我个样就叫我唔好郁，佢拖张床过嚟，佢话好易爆血管，又实时帮我做咗验身，心肺图乜都做晒。跟住三个小时后睇报告，佢哋问我：『李生你最近压力系咪好大？』佢话我嘅癌指数过咗界线，血压又过晒表，糖尿症状出咗嚟，即系有个 pre-diabetic，我从来冇嘅，喺我认识之中，呢三样系好危险嘅嘢。」

服药半个月，情况依然没好转。

「我 keep 住食西药嗰两个星期，血压都系维持喺 160 几，未跌过。我成日喺度怀疑，到底啲药有冇效？我有宗教信仰，于是跪低祈祷，我话：『上帝我都预备你接我走！』」行不到，睡不着，对一个病人而言如千斤负荷。就在他无助沮丧时，忽然想起，曾有一个学生给他一本关于健康的书。

2.饮食洗牌　奇迹好转

「关于如何从天然饮食治疗癌症，即系因应自己体质食啱嘅蔬菜，睇咗之后我就好奇，跟住上网搵所有关于高血压、糖尿病、癌症嘅资料。我系食紧西药，但嗰啲西药真系冇效，两个星期一啲效果都冇，我就胆粗粗跟呢个天然食疗方法。」

选择自救的他，首先把数十年的饮食习惯大洗牌。

「我丢晒屋企所有可乐、即食面等等。改食天然食物，我慢慢扶落楼去超级市场买姜、洋葱、蒜头等等返屋企自己磨，用嚟煮菜。食咗三个星期，人开始精神，不过食嗰啲嘢好辛苦，因为从未咁样食过，饭都唔食，餐餐都系食西红柿、西芹、红菜头。我转食菜、天然食物之后，好明显三个星期我就精神咗，唔使食药我都瞓到觉，仲开始行得番。我就开始学识呢样嘢，相信天然食物疗法。」

尝过疾病的突袭，失去健康的可怕，几十年提不起劲做运动的李健达，也决心郁动四肢。

「做完运动我嘅血压系降到 117 至 125，次次都系。」之后遇到一位医生，对方建议他迁去适合自己体质的他乡疗养。

3.迁居泰国　痛症消失

「我遇到一个中医师，佢为我诊症后就话：『李生，你嘅身体属于寒湿，你系咪住海边？』我话系呀，佢话你唔住得海边，因为海边嘅湿气好重，严重啲可以瘫㗎！湿气系咁紧要。于是我问佢，医生我唔去海边住，我唔喺香港住，唔去深圳住，咁可以去边度住？佢话我嘅寒湿一定要搵亚热带嘅地方，一定要温暖，即系四季温暖。」于是他决定移居泰国。

「飞过去住咗一个月，我发觉冇错喎，喺暖嘅地方我嘅身体真系好舒服囉！又唔会起身起唔到，腰骨好痛嗰啲全部都冇晒。」

移居当地，还给他无意中发现，有一种叶，成为他血压救星。

「我去到泰国，无啦啦行到一间有机店，我见个包装几得意，成份写 moringa，我唔识 moringa 系咩嘢，但我又好奇，所以买咗樽返屋企试吓。跟住我就上网睇吓系咩嘢，原来叫神奇的树，呢啲叶原来可以医病嘅，系对高血压有帮助。我唔做运动嘅时候，我嘅血压都仲系升，咁我咪食囉，于是食咗嗰只神奇的树 moringa，中文好似叫辣木籽，印度、泰国、东南亚好多地方都有。食咗之后，两个月后我嘅血压真系好稳定。」不过，进行任何天然食疗，安全起见，还是先向有关专业人士或医生询问意见。

重拾健康这一仗，对李健达而言真的「也许不易」，故今天他非常注意饮食，吃新鲜及有机蔬菜为主，加上移居到生活指数不太高的泰国，经济少一分压力，在各方面的改善，终于回复生猛。

迁居泰国，少了生活压迫感，李健达身体健康大大改善。

4.曼谷一日使 25 元　香港压力最伤身

去年决心连根拔起，离开土生土长的香港，以退休人士申请在泰国定居的李健达，在曼谷市区租一个七百呎的窦，只是三万泰铢（约港币七千多元）。他坦言从事音乐工作，赚的是有限钱，故昔日在香港屋租动辄过万元，生活令他感到有份无形的压力。

「其实临离开香港前，生活已经悭咗好多，但始终你嘅收入萎缩紧，就一定要谂办法平衡开支。当时我悭到 100 元一日，唔难嘅。有时今日食多咗钱，听日缩食番囉。但喺香港，真系压力好大，嗰种压力其实系最伤身体。𠵱家喺泰国生活松动好多，呢度一餐大约系港币十元，平均十元有三餸一饭，𠵱家我使 100 泰铢一日啫，即约港纸 25 蚊左右。至少有个窦，唔使好似喺香港咁惨，七千蚊只能住劏房。至于工作，我做音乐冇影响，唔需要转行。」李健达说。

文化差异，他说只要有一个包容的心，接受当地人节奏不如香港般快，就不成问题。至于有否想过，未来的另一半是泰国人，组织家庭？李健达说：「我都半百，呢啲随缘啦！」

阿郎的故事

外界认识的李健达，是电影《阿郎的故事》的片尾曲主唱者，但其实他揸咪搵食之前，是无线《劲歌金曲》的导演，因识玩音乐，被当时的新艺宝唱片公司赏识，邀他试音，不过最后败给另一新人。

「新艺宝最后冇拣我，因为佢哋要捧一队叫 Beyond 嘅组合，输畀佢哋我心服口服。」

直至 1989 年，有机会主唱《也许不易》，正式成为歌手。他说当日录此曲成本有限，不可能蹉跎金钱与时间。机会得来不易，故踏入录音室前，练唱工夫必须准备十足，最后一 take 过录好《也许不易》，一曲弹起。（来源/壹周刊：执番条命　也许不易　李健达）